Marnus neem foto's al vandat hy vyf jaar oud is. Sy pa, Manie Combrinck, is 'n kranige fotograaf en hy het sy seun geleer hoe om foto's te neem. Marnus het begin deur by die huis blomme af te neem, maar deesdae neem hy graag foto's in wildtuine. Hy gebruik 'n tweedehandse Canon 40D kamera.

Sy gunsteling fotobestemming is St Lucia, want daar is baie voëls. Hy hou veral daarvan om swartkopreiers af te neem omdat hierdie voëls dikwels heen en weer vlieg tussen die neste, gulde geleentheid vir 'n fotograaf.

Marnus se wenke vir natuurfotografie
Wees geduldig as jy foto's in die wildtuin neem.
Skakel die kar af anders skud die kamera te veel en dan is die foto nie skerp nie.
Sorg dat die son agter jou is; as die son agter die dier is wat jy afneem, sal dit 'n foto van 'n silhouette wees.